- Ноггуырд лæппуйы куывд II
-
– Уæ Хуыцау, табу Дæуæн!– Оммен, Хуыцау!– Хуыцау, адæмы дæр æмæ зæдты дæр Ды сфæлдыстай,Æмæ дын Де сконд зæдтимæ нæ куывд барст уæд!– Оммен, Хуыцау!– Хуыцау, абон цы сабийы тыххæй кувæм, уый амондджын фæкæн!Æххæст лæг куыд суа,Ирыстонæн фæзминаг куыд уа,Йæ мад æмæ йæ фыды куыд никуы ферох кæна!– Оммен, Хуыцау!– Уастырджи, табу, дæумæ дæр кувæм!– Оммен, Хуыцау!– Байраджы – бæхгæнæг, лæппуйы – лæггæнæг Уастырджи,Ацы саби амондджын уæд!Нæртон гуырд æй фæкæн тых æмæ зондæй, ныфс æмæ хъаруйæ!– Оммен, Хуыцау!– Хоры Уацилла æмæ Фосы Фæлвæра,Уæ раттæггаг хор æмæ фосæй хайджын куыд уæмÆмæ дзы лæппуйы куывдтæ æмæ чындзæхсæвтæ куыд кæнæм!– Оммен, Хуыцау!– Тбау Уацилла, фыдбылызæй хызт куыд уæм, хорздзинадæй – æфсæст!Мæнæ цы ноггуырдыл цин кæнæм, уый дæ хорзæх уæд!– Оммен, Хуыцау!– Тбау Уацилла, Ирыстоны фыдбылызæй бахиз!– Оммен, Хуыцау!– Хетæджы Уастырджи, Хетæгæн цы ‘ххуыс бакодтай,Уыцы æххуыс бакæн ирон адæмæн дæр!Ногтуырд де уазæг уæд!– Оммен, Хуыцау!– Быдыры Тæтæртупп, дæ бынты дыууæрдæм цæуæм, æмæ-иу нæ фæндараст кæн!– Оммен, Хуыцау!– Бынæттæ амондджын бынæттæ фæуæнт!Уæ быны цы кæстæр ис, уый амондджын фæкæнут!– Оммен, Хуыцау!– Зæдтæй ма афтæ чи загъта, мæ ном куы ссардтаид уыцы кувæг,Уæд æз хуыздæр баххуыс кодтаин, зæгъгæ,Уымæн дæр нæ кувинаг барст уæд!– Оммен!– Чырысти рахизырдæм цы дзуар бафтыдта,Уыцы дзуарæфтыд фæуæд ацы хæдзар дæр!– Оммен, Хуыцау!кæс ИРОН ÆГЪДÆУТТÆ
Словарь по этнографии и мифологии осетин. 2014.
